काय होते संपूर्ण प्रकरण?
ही घटना रतलाममधील पल्सोडा गेटजवळ घडली. तिथे एक महाकाय हत्ती आपल्या माहूतासोबत रस्त्यावरून जात होता. त्याचवेळी काही कारणास्तव हत्ती अचानक अनियंत्रित झाला आणि जवळच्या दुकाने व घरांजवळ धुमाकूळ घालू लागला. लोक घाबरले. काहीजण दूरून व्हिडिओ बनवू लागले, पण त्या हत्तीसमोर उभे राहण्याचे धाडस कुणीही करू शकले नाही.
advertisement
तेवढ्यात, तिथे एक पांढरा घोडा दिसला. असे म्हटले जात आहे की, हा घोडा जवळच राहणाऱ्या एका व्यक्तीचा होता. घोड्याने अनियंत्रित हत्तीला पाहताच, तो त्याच्या दिशेने धावला आणि हत्तीला चावू लागला. घोड्याची चपळता पाहून हत्तीचा राग शांत झाला. तो तिथून निघून गेला.
घोड्याच्या शौर्याची चर्चा
या झटापटीत घोड्याने केवळ हत्तीसमोरच तग धरला नाही, तर रस्त्याच्या मधोमध अनेक वेळा पाय आपटले आणि मान हलवत हत्तीच्या दिशेने धावला. आश्चर्याची गोष्ट म्हणजे, एवढा मोठा हत्ती घोड्याचा पवित्रा पाहून मागे हटला. त्याचा माहूत कसाबसा हत्तीला समजावून तिथून दूर घेऊन जाण्याचा प्रयत्न करत होता. व्हिडिओमध्ये तुम्ही स्पष्टपणे पाहू शकता की, घोडा हत्तीच्या मागे धावत आहे. तो त्याला रस्त्यावरून दूर जाण्यास भाग पाडत आहे. मध्ये काही साधू महाराजही दिसत आहेत जे प्रकरण शांत करण्याचा प्रयत्न करत आहेत.
https://youtube.com/shorts/-gi6BDRW7tk?si=7T6ZqwiRWJLDVujm
गोंधळ आणि गर्दी
या संपूर्ण घटनेदरम्यान रस्त्यावर मोठा गोंधळ उडाला आणि बघ्यांची मोठी गर्दी जमली. लोक आपल्या मोबाईलने दूरून व्हिडिओ बनवत होते. काही लोकांनी घाबरून आपली दुकाने बंद करण्यास सुरुवात केली. मात्र, सुदैवाने कुणीही गंभीर जखमी झाले नाही. केवळ एका बाईकला धक्का लागल्याचे सांगण्यात येत आहे. काही लोकांना किरकोळ दुखापती झाल्या. हा व्हिडिओ सोशल मीडियावर व्हायरल झाल्यानंतर युझर्स घोड्याचे कौतुक करत आहेत. काहीजण घोड्याला सिंहाचे हृदय असलेला घोडा म्हणत आहेत, तर काही त्याच्या शौर्याची प्रशंसा करत आहेत. काहींनी तर असेही म्हटले की, "हत्तीसमोरही न झुकणारा असा धाडसी प्राणी पाहणे खूप दुर्मिळ आहे."
हे ही वाचा : रोज सकाळी झाडू मारताना मनातल्या मनात म्हणा 'हे' शब्द; गरिबी होईल दूर, घरात येईल धन-धान्य!
हे ही वाचा : कुंडलीतील 'या' ग्रहांमुळे माणूस बनतो लबाड अन् बोलघेवडा; थापा मारण्यात 'ही' माणसं असतात पटाईत!