सावधान! फॅक्ट्रीमध्ये असं तयार होतं बनावट पनीर; धक्कादायक प्रकार उघड, कारखान्यातून जप्त केलं 58kg पनीर

माहिती मिळताच आझमगढ आणि बलिया येथून एक पथक तयार करण्यात आले आणि कारखान्यावर छापा टाकण्यात आला. या छाप्यात विभागाला मोठ्या प्रमाणात बनावट पनीर आढळून आलं. विभागाने घटनास्थळावरून सर्व माल जप्त केला आहे. मुख्य अन्न सुरक्षा अधिकारी दिनेश कुमार राय यांनी सांगितले की, खरं पनीर दुधापासून बनतं, पण येथे कॉर्न फ्लोअरपासून पनीर तयार केला जात होतं. हा पनीर आरोग्यासाठी अत्यंत हानिकारक आहे. पथकाने सुमारे 58 किलो एसएमपी सोबत 15 किलो स्टार्च जप्त केला आहे.

तज्ञांच्या मते, खरं आणि बनावट पनीर ओळखणे खूप महत्त्वाचे आहे. यासाठी पनीरला गरम पाण्यात टाकून, चोळून किंवा आयोडीन टिंचर वापरून तपासता येते. खरं पनीर पाण्यात विरघळत नाही, तर बनावट पनीर सहज विरघळू शकतो किंवा तुटू शकतो. खऱ्या पनीरची चव किंचित गोड असते, तर बनावट पनीरची चव विचित्र असू शकते. चोळताना तुटण्यासोबतच, बनावट पनीर रबरसारखा ताणला जातो. त्यामुळे आता पनीर खरेदी करताना काळजी घेणे आवश्यक आहे.