पत्नीनं ‘त्याच्या’सोबत हॉटेल सुरू केलं, पतीला खटकलं, सत्तूर घेतला अन्..., सोलापूर हादरलं!

मिळालेल्या माहितीनुसार, चक्रपाणी आणि प्रवलिका यांच्यात गेल्या काही दिवसांपासून खटके उडत होते. सोमवारी दुपारी 3 वाजेच्या सुमारास प्रवलिका या डबा देण्यासाठी घरी आल्या होत्या. यावेळी दोघांमध्ये पुन्हा कडाक्याचे भांडण झाले. वादाचे रूपांतर हाणामारीत झाले आणि रागाच्या भरात चक्रपाणीने सत्तूरने प्रवलिका यांच्या डोक्यावर आणि अंगावर सपासप वार केले. रक्ताच्या थारोळ्यात पडलेल्या प्रवलिका यांना तातडीने छत्रपती शिवाजी महाराज शासकीय रुग्णालयात दाखल करण्यात आले, जिथे त्यांच्यावर शस्त्रक्रिया करून 15 पेक्षा जास्त टाके घालण्यात आले आहेत.

प्रवलिका सुदर्शन ऐरेणी या एका खाजगी रुग्णालयात सुरक्षा रक्षक म्हणून काम करत होत्या. त्यांनी काही दिवसांपूर्वी एका ओळखीच्या व्यक्तीसोबत भागीदारीत हॉटेल व्यवसाय सुरू केला होता. या व्यवसायावरून चक्रपाणी ऐरेणी यांना संशय होता आणि त्यातूनच दोघांमध्ये सतत वाद देखील होत असल्याचे सूत्रांनी सांगितले.