Bigg Boss Marathi 6 Elimination: सहाव्या आठवड्यामध्ये सचिन कुमावतला मिळाला घरचा नारळ

सहाव्या आठवड्यामध्ये, रोशन, सागर, राकेश, दीपाली, अनुश्री, रुचिता, सचिन, प्रभू आणि प्राजक्ता असे नऊ स्पर्धक नॉमिनेट झाले होते. अहिराणी गाण्यासाठी प्रसिद्ध असलेले सचिन कुमावत बिग बॉसच्या घरातून बाहेर आलेले आहेत. बिग बॉसच्या घरातील त्यांचा खेळ म्हणावा तितका स्ट्राँग नसल्यामुळे त्यांना बिग बॉसच्या घरातून बाहेर पडावं लागलं आहे. प्रत्येक स्पर्धकासोबत त्यांचे नाते खूप चांगले असली तरीही त्यांनी स्वत:साठी स्टँड न घेतल्यामुळे त्यांना बिग बॉसच्या घरातून बाहेर पडावे लागले आहे. घरातल्या स्पर्धकांनीच नाही तर, प्रेक्षकांनीही त्यांना कमी मत देत त्यांचा बिग बॉसच्या घरातला प्रवास इथेच संपला आहे.

सध्या बिग बॉसच्या घरामध्ये 12 ते 13 स्पर्धक आहेत. आता अशातच येत्या आठवड्यात एक नवीन वाईल्ड कार्ड स्पर्धकाची एन्ट्री होणार असल्याचे बोलले जात आहे. नेमकं हा स्पर्धक कोण असेल? याची सध्या सोशल मीडियावर जोरदार चर्चा होत आहे. या स्पर्धकाची बिग बॉसच्या घरात केव्हा एन्ट्री होणार? याबद्दलची अपडेट रितेश भाऊने स्पर्धकांना दिलेली नाही. आज बिग बॉसच्या घरात 'भाऊच्या धक्का'वर रितेश भाऊने काही स्पर्धकांमध्ये चुगली लावली आहे. अर्थातच या माध्यमातून स्पर्धकांना आपल्या पुढच्या खेळाची स्ट्रेटेजी तयार करावी लागणार आहे. या पुढचा सर्व स्पर्धक आपला खेळ कशा पद्धतीने खेळतात? हे पाहणं महत्त्वाचं ठरणार आहे.