Kitchen : मसाले नेहमी ओले का होतात? गृहिणींना पडलेल्या प्रश्नाचं उत्तर इथे मिळेल, उपाय काय? तेही जाणून घ्या

मुंबई : स्वयंपाकघरात शिरल्यावर जो मसाल्यांचा खमंग सुवास येतो, तोच खऱ्या अर्थाने आपल्या जेवणाची भूक वाढवतो. हळद, तिखट, जिरेपूड किंवा गरम मसाला... हे मसाले म्हणजे भारतीय गृहिणींचा खरा खजिना. पण अनेकदा एक समस्या आपल्याला छळते, ती म्हणजे मसाल्यांना येणारा 'ओलावा'. डब्यात ठेवलेला मसाला काही दिवसांनी सुका न राहता त्याचे गोळे होतात, त्याला बुरशी लागते किंवा त्याचा मूळ सुवास निघून जातो. मसाले ओले झाले की त्याची चव तर बिघडतेच एवढंच नाही तर ते आरोग्यासाठीही घातक ठरू शकतात.