नोकरीचे आमिष ठरले ...; सहशिक्षिकेच्या आयुष्याची नराधमाने केली राखरांगोळी, बीडमधील धक्कादायक प्रकार

बीड : अंबाजोगाई तालुक्यात नोकरीचे आमिष दाखवून एका 28 वर्षीय सहशिक्षिकेवर तब्बल तीन वर्षांहून अधिक काळ लैंगिक अत्याचार केल्याचा गंभीर आणि संतापजनक प्रकार समोर आला आहे. या प्रकरणात पीडित महिलेला अश्लील फोटो आणि व्हिडिओ व्हायरल करण्याची धमकी देत मानसिक दबाव टाकण्यात आला होता. अखेर या छळाला कंटाळून पीडितेने अंबाजोगाई ग्रामीण पोलीस ठाण्यात तक्रार दाखल केली असून एकाच कुटुंबातील चार जणांविरुद्ध गंभीर स्वरूपाचे गुन्हे नोंदवण्यात आले आहेत.