Beed Success Story : भाजीपाल्याचा व्यवसाय परवडेना, दूधविक्रीने तारलं, आता वर्षाला 9 लाखांची कमाई, VIDEO

बीड - व्यवसाय सुरू करताना सुरुवात ही कमीत कमी खर्चामध्ये असावी म्हणून आजकाल प्रत्येक व्यवसायिक प्रयत्नशील असतात. कारण कमी गुंतवणूक करून व्यवसायामध्ये प्रगती होऊ लागली तर हळूहळू भांडवल देखील वाढवता येते. याच विचारातून एका व्यक्तीने दूध व्यवसाय सुरू केला आणि या व्यवसायातून ते वर्षाला 8 ते 9 लाख रुपयांची कमाई करत आहेत. हे त्यांनी नेमके कसे साध्य केले, जाणून घेऊयात ही प्रेरणादायी कहाणी.

रंजीत मस्के असे या व्यक्तीचे नाव आहे. ते मागील तीन वर्षांपासून दूध विक्रीचा व्यवसाय करत आहेत. दूध विक्रीच्या माध्यमातून त्यांना अगदी चांगले उत्पन्न मिळत असून त्यांनी या व्यवसायामध्ये स्वतःला झोकुन दिले आहे. या व्यवसायामध्ये येण्याआधी ते आपल्या शेतीमध्ये पालेभाज्याचे उत्पन्न घ्यायचे. मात्र, पालेभाज्यांच्या माध्यमातून त्यांना पुरेसे उत्पन्न मिळत नसल्याने त्यांनी वेगळं काहीतरी करण्याचा निर्णय घेतला.

त्यातूनच त्यांनी काही दिवसानंतर त्यांनी अजून 3 म्हशी विकत घेतल्या आणि व्यवसायामध्ये वाढ करून मोठ्या प्रमाणात दूध विक्री करू लागले. सद्यस्थिती पाहता त्यांना या व्यवसायाच्या माध्यमातून अगदी चांगले उत्पन्न मिळत आहे. त्यांच्याकडे आता 4 म्हशी असून या दूध विक्रीच्या व्यवसायातून ते वर्षाला 8 ते 9 लाख रुपयांची कमाई करत असल्याचे त्यांनी सांगितले.