आईचं निधन, मनोरुग्ण तरुणीसह वडील रस्त्यावर, ‘त्या’ तिघांनी निर्णय घेतला अन् आयुष्य बदललं

‎छत्रपती संभाजीनगर : शहराच्या गजबजाटात कुणाला कुणासाठी वेळ नसतो, असं म्हटलं जातं. पण, छत्रपती संभाजीनगरात माणुसकीला नवी उंची देणारी घटना घडली आहे. मागील सहा महिन्यांपासून वडिलांसोबत बेवारस अवस्थेत फिरणाऱ्या एका मनोरुग्ण तरुणीचं आयुष्य बदललं आहे. स्थानिक पोलीस, ‘माणुसकी’ या सेवाभावी संस्थेचे कार्यकर्ते आणि सिंधी समाज मंदिर ट्रस्ट यांनी पुढाकार घेत तिच्या उपचारांसह सुरक्षित निवाऱ्याची व्यवस्था केली आहे.