माझ्या आदेशाशिवाय प्रमाणपत्र देऊ नका! अजित पवारांच्या स्पष्ट सूचनेनंतरही शाळांना खिरापत? धक्कादायक माहिती समोर

मुंबई :  अल्पसंख्याक विकास विभागाने मुख्य सचिवांना पाठवलेल्या स्पष्टीकरण पत्रातील दावे संशयाच्या भोवऱ्यात सापडले असून, या पत्रातील माहिती वस्तुस्थितीशी विसंगत असल्याचे गंभीर आरोप पुढे आले आहेत. सूत्रांकडून मिळालेल्या माहितीनुसार, उपमुख्यमंत्री अजित पवार यांनी संबंधित सर्व फाईलींवर माझे स्पष्ट आदेश आल्याशिवाय कोणतेही प्रमाणपत्र देऊ नये, असे ठाम निर्देश दिले होते. त्यामुळे त्यांच्या निधनानंतर अवघ्या काही दिवसांत मोठ्या प्रमाणावर अल्पसंख्याक दर्जाची प्रमाणपत्रे अपलोड होणे, हे संशयास्पद ठरत आहे.