धुळ्यात हॉटेल चालकाचा 8 वर्षीय मुलीवर अत्याचार, डोंगराच्या पायथ्याला नेत गाठली क्रूरता

शिरपूर: धुळे जिल्ह्याच्या शिरपूर तालुक्यात माणुसकीला काळिमा फासणारी घटना घडली आहे. इथं एका २२ वर्षीय नराधमाने ८ वर्षांच्या चिमुकलीसोबत घृणास्पद कृत्य केलं आहे. आरोपीनं पीडित मुलीला एका डोंगराच्या पायथ्याला घेऊन जात तिच्यावर लैंगिक अत्याचार केला आहे. यानंतर आरोपीनं पीडितेला तिच्या घरी नेऊन सोडलं. पण अत्याचारानंतर तिला त्रास जाणवू लागल्यानंतर हा धक्कादायक प्रकार उघडकीस आला. या प्रकरणी गावातील एका तरुणावर पोक्सोसह विविध कलमांतर्गत गुन्हा दाखल केला आहे. घटनेचा तपास सुरू आहे.