आई-वडिलांच्या मृत्यूनंतर वाद न घालता जमीन, मालमत्तेवर हक्क कसा मिळवायचा? ९९ टक्के लोकांना माहीतच नाही

एखाद्या व्यक्तीच्या मृत्यूनंतर त्यांच्या मालमत्तेचे व्यवस्थापन करताना ठराविक कायदेशीर प्रक्रिया पाळणे आवश्यक असते. यामध्ये सर्वप्रथम मृत्युपत्र (विल) आहे का याची पडताळणी करणे किंवा कायदेशीर वारसांची ओळख निश्चित करणे हा महत्त्वाचा टप्पा असतो. त्यानंतर महसूल नोंदी अद्ययावत करणे आणि मालमत्तेच्या प्रकाराचा सखोल आढावा घेणे आवश्यक ठरते. कुटुंबातील सर्व निर्णय आणि वाटप नोंदणीकृत कागदपत्रांद्वारे स्पष्टपणे नोंदवल्यास भविष्यातील वाद टाळता येऊ शकतात.

जर मृत व्यक्तीने मृत्युपत्र केले नसेल  तर लागू असलेल्या कायद्यांनुसार जसे की, हिंदू वारसा हक्क कायदा, 1956 कायदेशीर वारस निश्चित करून वारस प्रमाणपत्र मिळवणे आवश्यक असते.

याशिवाय फसवणूक, बिल्डर आणि खरेदीदार यांच्यातील वाद, तसेच कराराच्या अटींचे उल्लंघन यामुळेही अनेक प्रकरणे न्यायालयात जातात.