माणुसकी मेली! जळगावात स्मशानभूमीतून महिलेचं डोकं अन् हातपायांच्या अस्थी चोरीला, नेमकं प्रकरण काय?

विजय वाघमारे, प्रतिनिधी जळगाव: जळगाव शहराच्या मेहरून स्मशानभूमीत माणुसकीला काळिमा फासणारी घटना उघडकीस आली आहे. इथं एका महिलेच्या मृत्यूनंतर तिच्यावर स्मशानभूमीत अंत्यसंस्कार करण्यात आले होते. मात्र अंत्यसंस्कारानंतर संबंधित महिलेच्या अस्थी चोरीला गेल्या आहेत. अज्ञात चोरट्याने महिलेचं डोकं, हात आणि पायाच्या अस्थी चोरून नेल्या आहेत. या प्रकार उघडकीस येताच कुटुंबीयांना धक्का बसला आहे. कुटुंबीयांकडून अस्थी परत करण्याची भावनिक मागणी केली आहे. हा प्रकार उघडकीस येताच परिसरात खळबळ उडाली आहे.