Raj Thackeray : राज ठाकरे-अमित शाहांच्या बैठकीत काय झालं? बाळा नांदगावकरांनी सगळंच सांगितलं

मुंबई : मनसे अध्यक्ष राज ठाकरे यांनी दिल्लीमध्ये जाऊन केंद्रीय गृहमंत्री अमित शाह यांची भेट घेतली आहे. या भेटीमुळे भाजप-मनसे यांच्यातल्या संभाव्य युतीचा मार्ग मोकळा झाल्याचं बोललं जातंय. राज ठाकरे यांनी भाजपकडे लोकसभेच्या दोन जागा मागितल्या असल्याची माहिती समोर येत आहे, यातली एक जागा मुंबई दक्षिण आणि दुसरी नाशिकची असल्याची माहिती सूत्रांनी दिली आहे. दिल्लीहून परतल्यानंतर राज ठाकरे यांनी मनसेचे नेते बाळा नांदगावकर यांची भेट घेतली. बाळा नांदगावकर यांना दक्षिण मुंबईतून उमेदवारी मिळण्याची शक्यता वर्तवली जात आहे.