तटकरे-गोगावले यांच्यात वाकयुद्ध, दानवे-खोतकर यांचाही वाद, सत्ताधाऱ्यांमध्येच खडाखडी

नरेश बोबाटे, प्रतिनिधी, मुंबई : आगामी महापालिका आणि स्थानिक स्वराज्य संस्थांच्या निवडणुकीपूर्वी महायुतीतल्या नेत्यांमध्ये कलगीतुरा रंगला आहे. रायगडमध्ये शिवसेना आणि राष्ट्रवादीच्या नेत्यांमधून विस्तवही जात नाही. अशातच रायगडच्या महाड नगर परिषदेत महायुतीतील राष्ट्रवादी काँग्रेस आणि भाजपची युती झाल्याने महायुतीत ठिणगी पडलीय. त्यामुळे शिवसेनेने सर्व वीस उमेदवार जाहीर करत एकला चलोचा नारा दिलाय. यावरून गोगावले आणि तटकरेंमध्ये शाब्दिक युद्धाला तोंड फुटलंय.