अशोक खरातचे कोठडीत बेकार हाल, लॅवीश लाईफ जगणाऱ्या कॅप्टनवर नियतीचा प्रकोप, औषधंही साथ देईना

नाशिकचा भोंदूबाबा अशोक खरातला १८ मार्च रोजी रात्री उशिरा गुन्हे शाखेच्या पथकानं अटक केली. त्याला अटक करून आता जवळपास १७ दिवस झाले आहेत. तेव्हापासून तो पोलीस कोठडीत आहे. त्याची नाशिक पोलिसांकडून कसून चौकशी केली जात आहे. चौकशीत अशोक खरातबाबबत अनेक खळबळजनक खुलासे समोर येत आहेत. त्याने केवळ महिलांचं लैंगिक शोषणच नाही केलं तर इतरही बेकायदेशीर कामांमध्ये तो गुंतला होता, अशी माहिती समोर येत आहे. १७ दिवसांआधी अनेकांवर वचक असणारा आणि लॅवीश लाईफ जगणारा अशोक खरात आता हतबल झाल्याची माहिती समोर येत आहे. त्याचे आता कोठडीत बेकार हाल सुरू असल्याची माहिती आहे.