इगतपुरीत युवतीवर घरात घुसून अत्याचार, धर्म बदलण्यासाठी दबाव, नाशिकला हादरवणारी घटना!

इगतपुरी: नाशिक जिल्ह्यातील इगतपुरी परिसरातून एक अत्यंत संतापजनक घटना समोर आली आहे. इथं एका तरुणाने स्वत:ची ओळख लपवून एका तरुणीला प्रेमाच्या जाळ्यात ओढून तिच्यावर लैंगिक अत्याचार केला आहे. आरोपी एवढ्यावरच थांबला नाही, तर त्याने पीडित तरुणीवर धर्मांतरासाठी दबाव टाकला होता. मागील बऱ्याच दिवसांपासून आरोपी पीडितेला त्रास देत होता. हा प्रकार सहन न झाल्याने तिने पोलीस ठाण्यात धाव घेतली. या प्रकरणी इगतपूरी पोलिसांनी गुन्हा दाखल करत आरोपीला बेड्या ठोकल्या आहेत.