नाशकात निवृत्त महिला अधिकाऱ्याची निर्घृण हत्या, पोटच्या मुलानेच पाडलं रक्ताच्या थारोळ्यात

लक्ष्मण घाटोळ, प्रतिनिधी नाशिक: नाशिक शहर पुन्हा एकदा हत्येच्या घटनेनं हादरलं आहे. आज पहाटे नाशिक शहरात एका तरुणाची देवदर्शनाला जाताना हत्या करण्यात आली होती. हत्येची ही घटना ताजी असताना अवघ्या पाच तासांत नाशकात हत्येची दुसरी घटना घडली आहे. इथं एका तरुणाने आपल्या जन्मदात्या आईवर चाकुने वार करून हत्या केली आहे. एकाच दिवसात शहरात अशाप्रकारे हत्येच्या दोन घटना घडल्याने परिसरात खळबळ उडाली आहे. या प्रकरणी सातपूर पोलीस ठाण्यात गुन्हा दाखल केला आहे.