नियतीही करू शकली नाही वेगळं, पतीच्या निधनानंतर पत्नीनंही सोडला श्वास, मन पिळवटून टाकणारी घटना!

भंडारा जिल्ह्यातील साकोली तालुक्यात एक हृदय पिळवटून टाकणारी घटना उघडकीस आली आहे. इथं पतीच्या निधनानंतर अवघ्या काही तासांतच पत्नीने देखील अखेरचा श्वास घेतला आहे. आयुष्यभर साथ निभावलेल्या पतीचं अचानक निधन झाल्याने विरह जिव्हारी लागून पत्नीचा देखील मृत्यू झाला आहे. अवघ्या काही तासातच दोघांचाही मृत्यू झाल्याने परिसरात हळहळ व्यक्त केली जात आहे. ही घटना साकोली तालुक्यातील गिरोला इथं घडली.