खरात-चाकणकरांचे कॉल रेकॉर्ड बाहेर काढणाऱ्यांवर कारवाई झालीच पाहिजे, नाशिकचा तो अधिकारीही... सुषमा अंधारेंना संशय

मुंबई : महिला आयोगाच्या माजी अध्यक्षा रुपाली चाकणकर आणि भोंदूबाबा अशोक खरात यांचे कॉल रेकॉर्ड अंजली दमानिया यांनी बाहेर काढले. एखाद्याचे कॉल रेकॉर्ड त्यांना कसे मिळू शकतात? जर त्यांना कॉल रेकॉर्ड मिळू शकले तर ते त्यांना कुणी दिले? हा गोपनीयतेचा भंग नाही का? असे सवाल विचारीत शिवसेना उपनेत्या सुषमा अंधारे यांनी दमानिया यांच्या चौकशीची मागणी केली. तसेच एकनाथ शिंदे-दीपक केसरकर-चाकणकर हे खरातला कशासाठी फोन करीत होते, याचीही चौकशी झाली पाहिजे, अशी मागणी अंधारे यांनी केली. शिवाय नाशिकच्या एका बड्या पोलीस अधिकाऱ्याची भूमिकाही संशयास्पद असल्याचा संशय अंधारे यांनी व्यक्त केला.