"आईला कडक शिक्षा द्या", सोलापुरात तरुण वकिलाने संपवलं जीवन, चिठ्ठीत जन्मदातीवर गंभीर आरोप

प्रीतम पंडित, प्रतिनिधी सोलापूर: सोलापूर शहरातील विजापूर नाका पोलीस ठाण्याच्या हद्दीत एक मन हेलावून टाकणारी घटना समोर आली आहे. शहरातील एका तरुण वकिलाने आपल्या बेडरूममध्ये गळफास घेऊन आत्महत्या केली आहे. धक्कादायक बाब म्हणजे त्याने आत्महत्या करण्यापूर्वी एक चिठ्ठी लिहून आपल्या जन्मदात्या आईवर खळबळजनक आरोप केले आहेत. माझ्या मृत्यूनंतर तिला कडक शिक्षा द्या, असंही तरुणाने चिठ्ठीत लिहिलं आहे. जन्मदात्या आईच्या त्रासाला कंटाळून अशाप्रकारे तरुणाने आयुष्याचा शेवट केल्याने परिसरात हळहळ व्यक्त केली जात आहे.