Success Story : नोकरी गेली, 2 भावांनी सुरू केला अंडा रोल व्यवसाय, महिन्याची उलाढाल आता लाखात, VIdeo

कोरोना महामारीपूर्वी शरद आणि समाधान हे दोघेही कंपनीत कामाला होते. मात्र, टाळेबंदीत नोकरी सुटल्याने कुटुंबाची जबाबदारी त्यांच्या खांद्यावर आली. शरद यांनी घराचा गाडा हाकण्यासाठी रिक्षा चालवण्यापासून ते हॉटेलमध्ये आचारी म्हणूनही काम केले. दरम्यान, समाधान यांचे 12 वी पर्यंत शिक्षण झाले होते, पण परिस्थितीमुळे त्यांनीही भावाला साथ देण्याचा निर्णय घेतला. हॉटेलमधील अनुभवामुळे शरद यांना खाद्यपदार्थांची आवड निर्माण झाली होती, त्यातूनच अंडा रोल विक्रीचा व्यवसाय सुरू करण्याची संकल्पना पुढे आली.

सध्या त्यांचे दोन फूड ट्रक नाशिकमध्ये यशस्वीपणे सुरू असून, तिसरी फूड व्हॅन लवकरच नाशिककरांच्या सेवेत दाखल होणार आहे. कष्ट आणि चवीच्या जोरावर हे दोन्ही भाऊ आज महिन्याला लाखात कमाई करत आहेत. रोजगार निर्मिती एकेकाळी स्वतःची नोकरी गमावलेले हे तरुण आज अनेक हातांना रोजगार देत आहेत.