पटकन श्रीमंत होण्याच्या नादात मिडल क्लास कसा अडकतो? वॉरेन बफेंनी सांगितल्या 5 घातक चुका

वॉरेन बफेंच्या मते क्रेडिट कार्डवरील जास्त व्याज ही मिडल क्लासची सर्वात मोठी आणि सामान्य चूक आहे. 18 टक्के किंवा त्याहून अधिक व्याजदराने घेतलेले कर्ज फेडण्याआधी कुठेही गुंतवणूक करणे म्हणजे स्वतःच नुकसान करून घेणे.

कार ही वाहतुकीची सोय आहे, स्टेटस सिंबॉल नाही, असे बफे ठामपणे सांगतात. त्यांनी स्वतः अनेक वर्षे जुनी कार वापरली होती. मिडल क्लास मात्र नवीन कारच्या नादात कर्जाच्या जाळ्यात अडकतो.

लॉटरी किंवा जुगारातून पैसा मिळेल, ही आशा मिडल क्लासची आणखी एक मोठी चूक असल्याचे बफे सांगतात. अशा नशिबाच्या खेळांमध्ये बहुतेक वेळा नुकसानच होते.

बफे यांनी स्वतःचे उदाहरण देत सांगितले की, अब्जावधींची संपत्ती असूनही ते आजही 1958 मध्ये खरेदी केलेल्या साध्या घरात राहतात. त्यांच्या मते घर हे राहण्यासाठी असते, प्रतिष्ठा दाखवण्यासाठी नाही.

“आज तुम्ही ज्या झाडाच्या सावलीत बसला आहात, ते झाड कुणीतरी खूप आधी लावले होते,” असे बफे सांगतात. गुंतवणूक ही वेळ मागते. मिडल क्लास अनेकदा पटकन पैसे कमावण्याच्या नादात दीर्घकालीन गुंतवणुकीकडे दुर्लक्ष करतो. बफेंचा सल्ला साधा आहे की खर्च झाल्यावर उरलेल्या पैशांतून गुंतवणूक करू नका; आधी गुंतवणूक करा आणि उरलेल्या पैशांतून खर्च भागवायला शिका. तात्पुरती सुखसोय भविष्यात महागात पडू शकते.