BEST Bus : विद्यार्थ्यांनो, वेळेत केंद्रावर पोहोचा; परीक्षेसाठी बेस्टचा मोठा निर्णय; गर्दीचा प्रश्न मार्गी

परीक्षेच्या कालावधीत विद्यार्थ्यांची होणारी मोठी गर्दी लक्षात घेऊन राज्य सरकारच्या निर्देशानुसार मुंबईसह राज्यभरात अतिरिक्त बस फेऱ्या सोडण्यात येणार आहेत.

विद्यार्थ्यांना बसमध्ये चढताना होणारी धावपळ टाळण्यासाठी त्यांना पुढील दारातून प्रवेशाची मुभा देण्यात आली आहे. तसेच बसचालक, वाहक आणि कर्मचाऱ्यांनी विद्यार्थ्यांशी सौजन्याने वागावे आणि प्रवासादरम्यान पूर्ण सहकार्य करावे अशा कडक सुचना बेस्ट प्रशासनाने दिल्या आहेत. गर्दी नियंत्रणासाठी महत्त्वाच्या बस स्थानकांवर निरीक्षक आणि अधिकाऱ्यांची विशेष नियुक्ती करण्यात येणार आहे.