MHADA Home : खुशखबर! मुंबई घ्या हक्काचे घरं; म्हाडाची पुन्हा एकदा लॉटरी; कुठे किती घरं?

जोगेश्वरी येथील पीएमजीपी वसाहतीच्या प्रकल्पामुळे म्हाडाला मोठा फायदा होणार आहे. ज्यात जोगेश्वरी येथील पीएमजीपी वसाहतीचा पुनर्विकास लवकरच सुरु होणार आहे ज्यात तेथील रहिवाशांना नव्या आणि मोठ्या सुसज्ज घर मिळणार आहेत.

या वसाहतीची एकूण जागा सुमारे 27 हजार 625 चौरस मीटर इतकी आहे. त्यातील निम्म्या जागेवग सध्या राहत असलेल्या रहिवाशांसाठी पुनर्वसन इमारती बांधल्या जाणार आहेत. तर अर्ध्या जागेवर विक्रीसाठी नवीन घरे बांधली जातील, त्यामुळे म्हाडाला सुमारे 800 ते 900 घरे ही उपलब्ध होण्याची शक्यता आहे.

मिळालेल्या माहितीनुसार,पुर्नविकासानंतर बांधलेली घरे ही 450 चौरस फुटांची नवीन घरे मिळतील. शिवाय विक्रीसाठी ज्या 17 इमारती बांधण्यात येथील.त्यामध्ये मध्यम उत्पन्न गटासाठी साधारण 550 घरे तर अल्प उत्पन्न गटासाठी 300 ते 350 घरे असतील, अशी माहिती समोर आली आहे.

ही मिळणारी घरी लॉटरी पद्दतीने विकली जातील. शिवाय या प्रकल्पात 450 ते 650 चौरस फुटांच्या दोन प्रकारच्या घरांचाही समावेश असणार आहे. फनेल झोन अर्थात विमानतळाजवळील असा परिसर जिथे इमारतींच्या उंचीवर सुरक्षिततेसाठी मर्यादा घातल्या जातात. त्यामुळे त्या इमारती या 55 ते 56 मीटर उंची पर्यत मर्यादित असतील. विशेष म्हणजे या प्रकल्पाचा खर्च सुमारे 450 कोटी रुपये आहे.