खबरदार! धूलिवंदनसाठी फुगे फेकाल तर जेलमध्ये जाल, मुंबई पोलिसांचा कडक इशारा

जर कोणी प्रवाशांवर पाण्याने भरलेले फुगे किंवा प्लास्टिकच्या पिशव्या फेकताना आढळले, तर भारतीय दंड संहितेच्या कलम 125 अंतर्गत त्यांना 2,500 दंड आणि तीन महिन्यांपर्यंत कारावासाची शिक्षा होऊ शकते. लोहमार्ग पोलिसांनी हा इशारा दिला आहे.

रेल्वेच्या सायन, वडाळा, कुर्ला (मध्य रेल्वे) आणि वांद्रे, माहीम (पश्चिम रेल्वे) या भागांमध्ये प्रवाशांवर फुगे फेकण्याचे प्रकार अधिक प्रमाणात घडतात. त्यामुळे या ठिकाणी विशेष नजर ठेवण्यात येणार आहे. रेल्वे प्रशासन आणि लोहमार्ग पोलिसांनी मिळून रुळांलगतच्या वस्त्यांमध्ये प्रबोधन मोहीम राबवण्यास सुरुवात केली आहे. या मोहिमेअंतर्गत नागरिकांना होळी साजरी करताना प्रवाशांना त्रास होणार नाही, याची काळजी घेण्याचे आवाहन केले जात आहे.