वेळ वाचणार मात्र प्रवास महागणार; ठाणे ते नवी मुंबई विमानतळ प्रवासासाठी भरावा लागणार इतका टॉल

सध्या ठाणे-नवी मुंबईदरम्यानची वाहतूक कोंडी प्रवाशांसाठी मोठा त्रास निर्माण करते. विमानाच्या वेळेला उशीर होण्याचा धोका नेहमीच असतो. या नव्या मार्गामुळे प्रवाशांना वाहतूक कोंडी टाळता येईल आणि विमानतळावर पोहोचणे अधिक सुलभ होईल. तरीही या सोयीसोबत एक मोठा आर्थिक फटका प्रवाशांना सहन करावा लागणार आहे. या मार्गावर कारधारकांना एकरी प्रवासासाठी 365 रुपये टोल मोजावा लागणार आहे आणि दरवर्षी टोलदर वाढीसाठी योजना आखण्यात आली आहे. त्यामुळे पुढील काळात हा प्रवास आणखी महाग पडण्याची शक्यता आहे.

या प्रकल्पासाठी 6 हजार 363 कोटी रुपयांचा निधी तयार केला आहे. त्यापैकी 80 टक्के सिडकोवर आणि राज्य सरकारकडून उर्वरित 20 टक्के केंद्र सरकारकडून उबलले जाणार आहे. सुरुवातीला ठाणे महानगरपालिका, नवी मुंबई महापालिका आणि एमआयडीसी यांना काही आर्थिक भार उचलण्याचे सुचवण्यात आले होते, परंतु त्यांनी नकार दिल्यामुळे हा प्रकल्प ''बांधा-वापरा-हस्तांतरित करा'' या तत्वावर राबविण्यात येणार आहे. प्रकल्प 2031 पर्यंत पूर्ण होईल आणि त्यानंतरच टोल वसुली सुरु होईल.