Mumbai Local: नव्या वर्षाच्या स्वागतासाठी रेल्वेचं प्लॅनिंग, मुंबईत मध्यरात्रीनंतर धावणार ट्रेन, शेवटची लोकल कधी?

मध्यरात्रीच्या प्रवासादरम्यान कोणतीही अनुचित घटना घडू नये, यासाठी सुरक्षेचा कडेकोट बंदोबस्त ठेवण्यात येणार आहे. रेल्वे सुरक्षा दल (RPF), लोहमार्ग पोलीस (GRP), महाराष्ट्र सुरक्षा दल तसेच होमगार्ड यांचे अतिरिक्त पथक स्थानकांवर आणि लोकल गाड्यांमध्ये तैनात राहणार आहे. विशेषतः सीएसएमटी, दादर, चर्चगेट, मरीन लाईन्स, गिरगाव या स्थानकांवर मोठ्या प्रमाणात गर्दी होण्याची शक्यता असल्याने येथे विशेष लक्ष देण्यात येणार आहे.

हार्बर मार्गावर सीएसएमटी ते पनवेल आणि पनवेल ते सीएसएमटी अशा दोन विशेष लोकल फेऱ्या चालवण्यात येणार आहेत. या दोन्ही लोकल गाड्यांची वेळ मध्यरात्री १.३० वाजता निश्चित करण्यात आली आहे.

रेल्वे प्रशासनाने प्रवाशांना वेळापत्रकाची माहिती घेऊनच प्रवास करण्याचे, गर्दी टाळण्यासाठी शिस्त पाळण्याचे आणि सुरक्षेच्या नियमांचे पालन करण्याचे आवाहन केले आहे. नववर्षाच्या आनंदात सहभागी होताना सुरक्षित आणि सुकर प्रवासासाठी या विशेष लोकल सेवेचा लाभ घ्यावा, असे आवाहनही रेल्वे प्रशासनाने केले आहे.