Ulhasnagar : मंदिरात दर्शन घेण्यासाठी गेली अन् तिथेच घात झाला; सकाळी घडलेल्या घटनेने संपूर्ण परिसर हादरला

मिळालेल्या माहितीनुसार हा धक्कादायक प्रकार दोन एप्रिल रोजी सकाळी साडे दहाच्या वेळेत विठ्ठलवाडी पोलीस ठाण्याच्या हद्दीत घडला. संबंधित महिला ही शिक्षिका असून नेहमीप्रमाणे महादेवाच्या मंदिरात पूजा करण्यासाठी आली होती. पुजा करत असताना त्या मंदिरातील पिंडीवर पाणी अर्पण करताना अचानक दोन तरुण दुचारीवरुन तेथे येतात.

या दोघांनीही स्वत:च्या चेहरा हा रुमालाने बांधला होता,त्यामुळे त्यांची ओळख पटवणे कठीण झाले आहे. त्या तरुणांनी कोणताही विचार न करता महिलेच्या गळ्यातील सोन्याचे मंगळसूत्र जबरदस्तीने खेचूने घेतेल आणि तिथेून लगेच पळ काढला.

महिलेच्या या मंगळसूत्राची किंमत साधारण ही 42 हजार रुपये असल्याचे सांगितले जात आहे. पण अचानक घडलेल्या या प्रकारामुळे महिला घाबरल्या असून परिसरातील नागरिकांमध्येही भीतीचे वातावरण निर्माण झाले आहे. घटनेची माहिती मिळताच विठ्ठलवाडी पोलिसांनी तत्काळ घटनास्थळी धाव घेतली आणि अज्ञात आरोपींविरोधात गुन्हा दाखल केला आहे. सध्या पोलिसांकडून परिसरातील सीसीटीव्ही फुटेज तपासले जात असून आरोपींची ओळख पटवण्याचे काम सुरू आहे.

पोलीस उपनिरीक्षक सचिन गोरे यांनी सांगितले की, आरोपींचा शोध घेण्यासाठी विशेष पथके तयार करण्यात आली आहेत आणि लवकरच त्यांना अटक केली जाईल. या घटनेमुळे मंदिर परिसरातही सुरक्षा वाढवण्याची गरज व्यक्त केली जात आहे.