Engine Oil: इंजिन ऑईलबद्दल 99 टक्के लोक चुकतात, कारला बेकार करण्याची चूक तुम्ही तर करत नाही ना?

जशी आपण शरिराची काळजी घेतो तसंच आपल्या वाहनाची काळजी घेतील पाहिजे हा साधा नियम आहे. त्यामुळेच प्रत्येक वाहनचालक हा आपल्या वाहनाची वेळोवेळी काळजी घेत असतो. कार असो की दुचाकी असेल यामध्ये गाडीचं इंजिन हे सर्वात महत्त्वाचं आहे. कार आणि बाईकचं इंजिन हे वेळीच बदललं नाही तर मोठं नुकसान होऊ शकतं. त्यामुळे वेळोवेळी इंजिन ऑईल बदलणं गरजेचं आहे. पण, बऱ्याच वेळा लोकांना हे माहित नसतं की इंजिन ऑईल नेमकं कधी बदलायचं? 

साधारणपणे, कारांसाठी इंजिन ऑईल बदलण्याचा सामान्य नियम हा किलोमिटरवर अवलंबून असतो. दर 5,000 ते 10,000 किलोमीटरच्या दरम्यान इंजिन ऑईल बदललं  पाहिजे. पण, जर तुम्ही कोणत्या प्रकारचं ऑईल वापरतात हे सुद्धा त्यावरून अवलंबून असतं. जसं तुम्ही कोणत्या प्रकारचे इंजिन ऑईल वापरत आहात उदा. मिनरल, सेमी-सिंथेटिक किंवा फुल-सिंथेटिक आणि तुमच्या ड्रायव्हिंग कशी आहे, हे यावरही ठरतं.

फुल-सिंथेटिक ऑईल: हे सर्वात आधुनिक आणि महागडं ऑईल आहे, जे 10,000 किलोमीटर किंवा त्याहून अधिक काळ टिकू शकतं.

मिनरल ऑईल: हे सर्वात मूलभूत ऑईल आहे, जे सहसा 5,000 किलोमीटर अंतर पार केल्यावर बदलावं लागतं.

इंजिन ऑईल कधी बदलायचे याची सर्वात अचूक आणि योग्य माहिती तुम्हाला तुमच्या कारच्या मॅन्युअलमध्ये मिळेल. प्रत्येक कंपनी त्यांच्या कारच्या इंजिन आणि वापरलेल्या ऑईलनुसार ठराविक अंतर किती किमी आणि वेळ महिने ठरवून देते.

जर तुमची कार कमी धावत असेल, तरीही वेळेच्या मर्यादेकडे लक्ष द्या. तुमची कार 5,000 किलोमीटर धावली नसली तरी, 6 महिने किंवा 12 महिने पूर्ण झाले असल्यास, ऑईल बदलणे आवश्यक आहे. कारण वेळेनुसार ऑईलची गुणवत्ता कमी होत जाते.

जर तुम्ही कारचं ऑईल बदलण्यात उशीर केला तर  तुमच्या इंजिनसाठी हा मोठा धोका निर्माण करू शकतो. जुनं ऑईल जाड आणि  खराब होतं, ज्यामुळे इंजिनच्या भागांमधील घर्षण वाढतं. यामुळे इंजिन लवकर गरम होतं आणि त्याची लाईफ कमी होते.

इंजिन ऑईल खराब झालं तर काम करू देत नाही. यामुळे कारची पिकअप आणि पॉवर Power कमी होते आणि मायलेजही घटतं.

यामध्ये सर्वात मोठा फटका हा इंजिनला बसतो. कारण, ऑईलमध्ये  Lubrication कमी झालं तर  इंजिनचे भाग जाम होऊन एकमेकांवर घासले जातात आणि तुमचे संपूर्ण इंजिन सीझ होऊ शकतं. त्यामुळे इंजिन उघडावं लागू शकतं. यामुळे मॅकेनिकचा जास्त खर्च लागतो.