Home decoration ideas: तुमच्या घराला द्या शाही रूप! कमी खर्चात करा आकर्षक सजावट, पाहा सोप्या टिप्स!

सणासुदीच्या दिवसांमध्ये घर सजवण्यासाठी तुम्ही काही गोष्टी लक्षात ठेवल्या पाहिजेत. असे केल्याने तुमचे संपूर्ण घर एखाद्या महालासारखे सुंदर दिसेल. तसेच तुम्हाला जास्त मेहनत आणि खर्चही करावा लागणार नाही.

सणांच्या काळात तुम्ही रंगीत लाईट आणि फुलांनी आपले घर सजवू शकता. तुम्हाला हवे असल्यास झेंडू आणि गुलाबच्या फुलांनी लिविंग रूम सजवू शकता.

घराच्या सजावटीसाठी तुम्ही रंगीत पेपरचा वापर करू शकता. हे पेपर लॅम्प तुम्ही बाजारातून विकत आणू शकता. पेपर लॅम्पला एखाद्या लाईटवर ठेवल्याने घराला अप्रतिम लुक मिळेल आणि ये-जा करणारे पाहतच राहतील.

रांगोळीमुळे घराच्या सौंदर्यात भर पडते. सजावटीसाठी हा सर्वोत्तम पर्याय मानला जातो. या दिवाळीतही तुम्ही घराच्या भिंतींवर किंवा जमिनीवर सुंदर रांगोळी काढू शकता.

घराच्या सजावटीसाठी तुम्ही काचेच्या बाउललाही सजवू शकता. यासाठी तुम्ही काचेच्या बाउलमध्ये पाणी टाका. आता गुलाब आणि झेंडूच्या फुलांच्या पाकळ्या टाकून फ्लोटिंग कॅन्डल लावू शकता.

सणांमध्ये खासकरून दिवाळीत प्रत्येक घरात दिवे लावले जातात. दिवाळीत तुम्ही घर सजवण्यासाठी साध्या दिव्यांना रंगवू शकता. हे सर्व करून तुम्ही या दिवाळीत तुमच्या घराला सुंदर लुक देऊ शकाल.