Bharat Bandh Today: आज भारत बंदची हाक! ३० कोटी कामगार संपावर, बँकेपासून ते वाहतुकीपर्यंत पाहा काय सुरू, काय बंद?

Bharat Bandh Today: तुम्ही जर आज कामासाठी बाहेर पडत असाल बँकेत जाणार असाल तर तुमच्यासाठी महत्त्वाची बातमी आहे. आज भारत बंदमुळे तुमची कामं अपूर्ण राहण्याची तुमची खेप फुकट जाण्याची शक्यता आहे. त्यामुळे घराबाहेर पडण्याआधी काय सुरू काय बंद राहणार ते आधीच चेक करा. देशभरातील प्रमुख कामगार संघटना आणि शेतकरी संघटनांनी भारत बंदचं आवाहन केलं आहे. केंद्र सरकारच्या विविध धोरणांविरुद्ध आपला रोष व्यक्त करण्यासाठी हा देशव्यापी संप पुकारला आहे. त्यामुळे सर्वसामान्यांच्या कामावर त्याचा मोठा परिणाम होण्याची शक्यता आहे. या संपात ३० कोटींहून अधिक कामगार सहभागी होतील, असा दावा आयोजक संघटनांनी केला आहे.