Summer Health: साधेसुधे नाहीत, हे आहेत डेंजर डास, उन्हाळ्यात आजारांचा धोका, घ्या काळजी!

उन्हाळा सुरू झाला की, डासांची उत्पत्ती वाढताना दिसून येते. डासांच्या चांगल्या वाढीसाठी 28 ते 35 अंश सेल्सिअस तापमान पोषक असते.

किरकोळ डासच भयंकर रोगांना कारणीभूत ठरतात. डेंग्यू, मलेरिया तसेच हत्तीरोगासारख्या जीवघेण्या आजारांना डासच कारणीभूत ठरतात.

तसेच एडिस इजिप्ती डासांमुळे पिवळा ताप, डेग्यू, वेस्ट नाईल, चिकुनगुण्या आणि झिका व्हायरस होतो. ॲनोफिलीस डासांमुळे मलेरिया होतो.

क्युलेक्स डास सामान्यतः रात्री चावतात. ते प्रदूषित आणि साचलेले पाणी असलेल्या भागात, जसे की नाले किंवा तलावांमध्य प्रजनन करतात आणि वेस्ट नाईल विषाणू, जपानी बी एन्सेफलायटिस किवा फायलेरियासिस सारखे आजार पसरवतात.

जीवघेण्या आजारांस कारणीभूत ठरणाऱ्या डासांचा नायनाट करण्यासाठी उपाययोजना करणे आवश्यक ठरते. डासांचा प्रतिबंध करण्यासाठी अनेक उपायांपैकी धूर उपाय प्रभावी ठरतो.