Plum Cake Recipe : घरच्या घरी बनवा बेकरीला टक्कर देणारा प्लम केके, चव अशी की घरचे म्हणतील, 'अरे, व्वा !कोणत्या दुकानातून आणला?'

थंडीत आणि विशेषतः ख्रिसमसच्या सणात घराघरांत गोड सुगंध दरवळायला लागतो. त्या सुगंधाचं कारण म्हणजे प्लम केक. प्लम केक का ख्रिसमसची शान आहे आणि तो ख्रिसमसला सर्वाधिक खाल्ला जातो. खिश्चन लोक हा सण मोठ्याप्रमाणात साजरा करत असले तरी देखील असे अनेक इतर लोक आहेत ज्यांना हा केक खायला आवडतो. तर काही लोकांना तो घरी बनवायला देखील आवडेल, फक्त पर्फेर्ट रेसीपी हवी.... तु्म्ही देखील त्यांपैकीच एक आहेत ज्यांना हा केक घरी बनवायला आवडेल. मग आधी त्याचं साहित्य मग त्याची रेसेपी जाणून घ्या.

हा केक फक्त गोड पदार्थ नसून, परंपरा आणि सेलिब्रेशन यांचं सुंदर मिश्रण आहे. ड्राय फ्रुट्सचा भरपूर वापर, खास सुगंध आणि केकमधली मऊ टेक्श्चर यामुळे प्लम केकचा एक वेगळाच ठसा मनात बसतो. बाहेरून केक विकत घेण्यापेक्षा घरच्या घरी प्लम केक करणं अधिक मजेदार आणि चविष्ट असतं.

चला तर, आता पाहूया घरच्या घरी परफेक्ट प्लम केक कसा बनवायचा.

प्लम केकसाठी लागणारं साहित्यमनुका (Raisins) - ½ कपप्लम्स/ड्राय फ्रूट मिक्स - ½ कपटूटी-फ्रूटी - ¼ कपखजूर - 6-7 बिया काढूनऑरेंज ज्यूस / सफरचंदाचा ज्यूस / रम - 1 कप

केक बॅटरसाठीमैदा – 1 कपसाखर – ¾ कपबटर – ½ कपअंडी – 2बेकिंग पावडर – 1 टीस्पूनबेकिंग सोडा – ¼ टीस्पूनव्हॅनिला इसेंस – 1 टीस्पूनदालचिनी पावडर – ¼ टीस्पूनजायफळ पावडर – 1 चिमूट

ड्रायफ्रुट्स कसे भिजवायचे?सर्व ड्रायफ्रुट्स बारीक कापून एका बाउलमध्ये घ्या.त्यावर ज्यूस (किंवा नॉन-अल्कोहोलिक रम पर्याय) ओता.किमान 2–3 तास भिजू द्या. अधिक चव यावी म्हणून रात्रभर भिजवलं तर उत्तम.

केक बॅटर बनवण्याची पद्धतएका मोठ्या बाउलमध्ये बटर आणि साखर छान क्रिमी होईपर्यंत फेटा. त्यात एक एक करून अंडी घाला आणि नीट फेटून घ्या. आता व्हॅनिला इसेंस घाला. वेगळ्या बाउलमध्ये मैदा, बेकिंग पावडर, बेकिंग सोडा, दालचिनी आणि जायफळ पावडर मिक्स करा.हा मैदा मिश्रण थोडं-थोडं करून बटर-अंडीच्या मिश्रणात मिसळा. शेवटी भिजवलेली सुकेफळं (थोडा ज्यूस वगळून) बॅटरमध्ये घाला आणि नीट फोल्ड करा.

केक बेक कसा करायचा?ओव्हन 170°C वर प्रीहीट करा.केक टिनला बटर लावून बटर पेपर लावा.तयार बॅटर टिनमध्ये ओता आणि हलकं टॅप करा.40–50 मिनिटं बेक करा.टूथपिक स्वच्छ बाहेर आली तर केक तयारपूर्ण थंड होऊ द्या आणि मगच कापून सर्व्ह करा.

घरचा प्लम केक हा फक्त गोड पदार्थ नसून, कुटुंबाने एकत्र बनवण्याचा आणि खाण्याचा आनंद आहे. साध्या पद्धतीने, थोड्या संयमाने आणि साहित्यांच्या जादूने आपण सहजपणे हॉटेलसारखा Delicious प्लम केक घरच्या ओव्हनमध्ये किंवा कढईतही तयार करू शकतो.