ख्रिसमससाठी घरीच बनवा खास चॉकलेट, सोपी रेसिपी माहितीये का?

चॉकलेट खायला हे सर्वांना आवडतं. अगदी लहानपासून ते मोठ्यांपर्यंत सर्वजण आवडीने चॉकलेट खात असतात. आता ख्रिसमस येतोय त्यानंतर नवीन वर्ष आहे तर त्यासाठी तुम्हाला जर कोणाला काहीतरी गिफ्ट द्यायचं असेल तर चॉकलेट हा बेस्ट पर्याय नेहमीच असतो. दरवेळेस चॉकलेट विकत घेऊन देण्यापेक्षा आपण हे चॉकलेट घरी अगदी पाच मिनिटात तयार करू शकतो. तर होममेड चॉकलेट घरी कसे तयार करायचे याची रेसिपी छत्रपती संभाजीनगर येथील गृहिणी श्रुती क्षीरसागर सांगितली आहे.

होममेड चॉकलेट तयार करण्यासाठी सर्वप्रथम 50 ग्रॅम डार्क कंपाऊंड घ्यायचे. त्याचबरोबर 50 ग्राम चॉकलेट घ्यायचे. तुम्ही फिफ्टी-फिफ्टी दोन्ही घेऊ शकता. त्यानंतर हे चॉकलेट छान बारीक चॉप करून घ्यायचे. आणि त्यांना मेल्ट करून घ्यायचं. तुम्ही त्यासाठी डबल बॉयलर मेथड पद्धत सुद्धा वापर करू शकता. चॉकलेट मेल्ट झाल्यानंतर त्याला मिक्स करून घ्यायचं. चॉकलेट एकदा मेल्ट झाल्यानंतर तुम्ही तुमच्या आवडीनुसार चॉकलेट तयार करू शकता.

तुम्ही तुमच्या आवडीनुसार सर्व ड्रायफ्रूट घेऊ शकता. त्याचे बारीक चॉप करून घ्यायचे. चॉप केलेले ड्रायफ्रूट हे चॉकलेटमध्ये मिक्स करून त्यानंतर चॉकलेटचा मोल्डममध्ये टाकून त्याला पाच ते दहा मिनिटांसाठी फ्रीजमध्ये सेट होण्यासाठी ठेवून द्यायचं.

आपण जे चॉकलेट मेल्ट केलेला आहे त्या चॉकलेटमध्ये तुम्ही क्रिस्पी राईस बॉल टाकून ते मिश्रण मिक्स करून घ्यायचं. सेम चॉकलेट मोल्डममध्ये टाकून त्याला सुद्धा पाच ते दहा मिनिटांसाठी फ्रीजमध्ये सेट होण्यासाठी ठेवून द्यायचं.

जी चॉकलेट आपण मेल्ट केलेला आहे त्याच चॉकलेटमध्ये बटरस्कॉचचे नट्स भेटतात किंवा तुम्ही घरी सुद्धा बटरस्कॉच तयार करू शकता. तयार केलेले बटरस्कॉच छान क्रश करून चॉकलेटमध्ये मिक्स करायचं मोल्डमध्ये टाकून सेट होण्यासाठी पाच ते दहा मिनिटांसाठी फ्रीजमध्ये ठेवून द्यायचं.

तुटी फुटी चॉकलेट तयार करण्यासाठी सगळ्यात पहिले व्हाईट कंपाऊंड चॉकलेट हे मेल्ट करून घ्यायचं. डबल बॉयलर मेथडने मेल्ट झालेले हे चॉकलेटमध्ये मिक्स करून मोल्डममध्ये टाकून ते सुद्धा फ्रीजमध्ये सेट होण्याकरिता ठेवून द्यायचं.

ओरिओ बिस्कीटचे चॉकलेट तयार करण्यासाठी आपण जे व्हाईट चॉकलेट मेल्ट केलेला आहे. त्या चॉकलेटमध्ये ओरिओ बिस्कीट हाताने क्रश करून टाकून द्यायचं. त्यानंतर डार्क कंपाऊंड जे आपण मेल्ट केलेला आहे. सर्वप्रथम मोल्डमध्ये एक लेयर डार्क कंपाऊंड चॉकलेट टाकायची. त्यानंतर ओरिओचं मिश्रण त्याच्यात टाकायचं आणि वरतून परत एकदा त्यामध्ये डार्क कंपाऊंड टाकायचं आणि सेट होण्याकरिता फ्रीजमध्ये ठेवून द्यायचं अगदी तुम्ही पाच ते दहा मिनिटांमध्ये हे सर्व चॉकलेट घरच्या घरी तयार करू शकता, असं श्रुती क्षीरसागर यांनी सांगितलं.