Crime News : अहमदनगर : मंदिरातील तब्बल 30 लाखांचं सिंहासन पळवलं; चोरटे CCTV कॅमेरात कैद; गावकऱ्यांचा मोठा निर्णय

श्रीगोंदा तालुक्यातील पारगाव येथे पहाटेच्या सुमारास गावचे ग्रामदैवत सुद्रिकेश्वर महाराजांच्या मंदिरात जबरी चोरी झाल्याची घटना घडली. ही घटना सीसीटीव्ही कॅमेऱ्यात कैद झाली आहे.

अज्ञात चोरट्यांनी सुद्रिकेश्वर महाराजाच्या सिंहासनाभोवती लावली गेलेली जवळ पास 40 किलो वजनाच्या चांदीची चोरी केली आहे. याची किंमत अंदाजे 30 लाखांपर्यंत आहे.

सकाळी काही गावकरी दर्शनासाठी गेले असता त्याच्या हा प्रकार लक्ष्यात आला. त्यानंतर त्यांनी तात्काळ श्रीगोंदा पोलीस स्टेशनला खबर दिली.

माहिती मिळताच पोलीस उपविभागीय अधिकारी विवेकानंद वाखारे आणि पोलीस निरीक्षक ज्ञानेश्वर भोसले हे फौज फाटा घेऊन घटनास्थळी हजर झाले व श्वान पथकास पाचारण केले.

पारगावचे सुद्रिकेश्वर महाराजांचे असणारे हे ग्रामदैवत एक जागृत दैवत मानले जाते. मात्र, अश्या ठिकाणी घडलेल्या चोरीचा निषेध म्हणून ग्रामस्थांनी गावातील सर्व दुकानें बंद ठेवण्याचा निर्णय घेतला आहे.