Shirdi News : हॉटेलमध्ये बहीणभावाचा मृतदेह आढळला धक्कादायक अवस्थेत, शिर्डीतील घटना

अहमदनगर जिल्ह्यातील शिर्डीतून धक्कादायक घटना समोर आली आहे.

शिर्डीतील हॉटेल यशराजमध्ये भाऊ बहिणीने गळफास घेऊन जीवन संपवल्याचं समोर आलं आहे. आत्महत्येचे कारण अद्याप अस्पष्ट आहे.

श्रीरामपुर तालुक्यातील निमगाव खैरी येथे राहणाऱ्या निखिल किशोर वरुळे (वय 28) आणि निकिता किशोर वरुळे (वय 25) या बहिणभावाने एकत्रच आत्महत्या केली.

घटनेची माहिती मिळताच शिर्डी पोलीस घटनास्थळी दाखल झाले असून मृतदेह शवविच्छेदनासाठी ग्रामीण रुग्णालयात दाखल झाला आहे.

बहिण भावाने आत्महत्या केल्याचं कारण अद्याप स्पष्ट झालं नसून शिर्डी पोलीस ठाण्याचे सहाय्यक पोलीस निरीक्षक सागर काळे यांच्या पथकाकडून तपास सुरू आहे.