अहमदनगरमध्ये भीषण अपघात, बसची धडक; कारचं इंजिन तुटून बाजूला पडलं, 3 तरुण ठार

अहमदनगर : जामखेड शहरापासून काही अंतरावर असलेल्या खर्डा रोडवर बटेवाडी शिवारात काल रात्री एसटी बस व शेरोलेट बीट या कारचा भीषण अपघात झाला. या अपघातात तीन तरुणांचा जागीच मृत्यू झाला असून दोघे जखमी झाले आहेत.

मृत्यू झालेल्या तीन जणांपैकी दोन जण जागीच जागीच ठार तर एकाचा दवाखान्यात दाखल केल्यानंतर मृत्यू झाला. या घटनेने संपुर्ण तालुक्यात एकच खळबळ उडाली आहे.

अपघातात विजय गंगाधर गव्हाणे, पंकज सुरेश तांबे, मयूर संतोष कोळी, अशी मृत्यू पावलेल्या तरुणांची नावे आहेत. सचिन दिलीप गीते, अमोल बबन डोंगरे हे दोघे जखमी झाले आहेत.

अपघात इतका भीषण होता की कारच्या पुढच्या भागाचा चुराडा झालाय. तसंच कारचं इंजिन तुटून बाजूला पडलं होतं.

अपघातात मृत्यू झालेले तरुण नगर तालुक्यातील वडगाव गुप्ता, MIDC, नगर येथील रहिवासी आहेत. सदर अपघातील बसचालकास ताब्यात घेण्यात आले आहे.