Accident News : अहमदनगरमध्ये भीषण अपघात, झायलो, ट्रकची समोरासमोर धडक; 3 ठार 8 गंभीर जखमी

अहमदनगर, साहेबराव कोकणे : जिल्ह्यातून भीषण अपघाताची घटना समोर आली आहे. ट्रक आणि झायलो गाडीचा अपघात झाला आहे. दोन्ही गाड्यांची समोरासमोर धडक झाली.

या अपघातामध्ये तीन जणांचा मृत्यू झाला आहे, तर आठ जण गंभीर जखमी झाले आहेत. अहमदनगर -दौंड महामार्गावर हा अपघात झाला.

या अपघातमध्ये दोन्ही वाहनांची समोरासमोर धडक झाली. अपघात इतका भीषण होता की, अपघातात तीन जणांचा मृत्यू झाला तर आठ जण गंभीर जखमी झाले आहेत.

या अपघातामधील जखमींना स्थानिकांच्या मदतीनं तातडीनं उपचारासाठी अहमदनगर येथील शासकीय रुग्णालयात दाखल करण्यात आलं आहे. हे सर्व जण कल्याण येथील रहिवासी असल्याची माहिती समोर आली आहे.

हा अपघात इतका भीषण होता की, तुम्ही पाहून शकता झायलो गाडीचा पूर्णपणे चुराडा झाला आहे. तर ट्रकचं देखील मोठं नुकसान झालं आहे.