Loksabha : शिर्डीत वंचितने मविआला दिला मोठा धक्का, काँग्रेसला रामराम केलेल्या महिला नेत्याला उमेदवारी

वंचित बहुजन आघाडीचे प्रकाश आंबेडकर यांनी शिर्डी लोकसभा मतदारसंघात महाविकास आघाडीला मोठा धक्का दिला आहे. काँग्रेसच्या नेत्या उत्कर्षा रूपवते यांनी वंचितमध्ये प्रवेश केला आहे.

प्रकाश आंबेडकर यांच्या उपस्थित उत्कर्षा रूपवते यांचा वंचित प्रवेश पार पडला. यावेळी राज्य उपाध्यक्ष किसन चव्हाण, जिल्हाध्यक्ष विशाल कोळगे हे उपस्थित होते.

शिर्डी लोकसभा मतदारसंघात उत्कर्षा रूपवते वंचितकडून निवडणूक लढणार आहेत. यामुळे शिर्डी मतदारसंघात तिरंगी लढत होईल.

रूपवते यांच्यामुळे वाढली शिर्डी लोकसभेची चुरस वाढली आहे. शिर्डीत महायुती, महाविकास आघाडी आणि वंचित अशी तिरंगी लढत रंगणार आहे.

शिर्डी लोकसभा मतदारसंघात महायुतीकडून शिवसेनेचे सदाशिव लोखंडे तर महाविकास आघाडीकडून शिवसेना ठाकरे गटाचे भाऊसाहेब वाकचौरे हे निवडणूक लढवत आहेत.