Ajit Pawar : अजित पवारांच्या यात्रेत स्वागत कमान कोसळून महिला जखमी; घटनेचे पहिले PHOTOS

राज्यातील अनेक नेत्यांनी विधानसभा निवडणुकांच्या पार्श्वभूमीवर दौरे आणि प्रचारयात्रांचा धडाका लावला आहे. राष्ट्रवादी काँग्रेसचे नेते उपमुख्यमंत्री अजित पवार देखील जनसन्मान यात्रेतून मतदारांना आकर्षित करण्याचा प्रयत्न करत आहे.

विशेष करुन यावेळी अजित पवार यांच्या राष्ट्रवादीचा महिला मतदारांवर डोळा असल्याचे पाहायला मिळत आहे. यासाठीच त्यांनी स्वतःच्या जॅकेटपासून संपूर्ण प्रचारयात्राच गुलाबी रंगात केली आहे.

जनसन्मान यात्रेचं कोपरगाव तालुक्यात आगमन झालं. यावेळी अजित पवारांच्या जनसन्मान यात्रेच्या स्वागतासाठी लावलेली कमान पडून एक महिला जखमी झाली.

अजित पवार कोपरगावमध्ये येण्यापूर्वी स्वागत कमान पडून ही घटना घडली. सुदैवाने यात महिला थोडक्यात वाचली. यामध्ये तिला डोक्याला दुखापत झाली आहे.

दरम्यान, अजित पवारांचे कोपरगाव शहरात आगमन झाले आहे. गोदावरी नदीच्या पुलावरून जनसंवाद यात्रा मुख्य कार्यक्रमाकडे रवाना झाली.