Crime : तलवार, कुऱ्हाडीने वार करून तरुणावर गोळीबार, निवडणुकीच्या रणधुमाळीत अहमदनगर हादरलं; घटनास्थळावरचे PHOTO आले समोर

ऐन लोकसभा निवडणुकीची रणधुमाळी सुरू असतानाच अहमदनगर शहरात गोळीबाराची घटना घडलीय. तरुणावर आधी तलवार आणि कुऱ्हाडीने हल्ला करून गोळीबार करण्यात आला.

शहरातील कोठला परिसरात हा धक्कादायक प्रकार घडल्यानं खळबळ उडाली आहे. हल्लेखोरांनी कुऱ्हाड आणि तलावारीने हल्ला केल्यानं तरुण गंभीर जखमी झाला आहे.

हल्ल्यात जखमी झालेल्या तरुणाचं नाव सर्वर उर्फ भीमा असं आहे. त्याच्यावर सध्या खासगी रुग्णालयात उपचार केले जात आहेत.

कुऱ्हाड आणि तलावारीने हल्ला करून गोळीबार केल्या प्रकरणी पोलिसात गुन्हा दाखल करण्यात आला आहे. दरम्यान, या घटनेने परिसरात भीतीचं वातावरण निर्माण झालं आहे.

तरुणाला तातडीने रुग्णालयात दाखल करण्यात आले असून त्याच्यावर उपचार केले जात आहेत. रुग्णालयात नागरिकांनी मोठी गर्दी केली होती.