बारावी परीक्षेचा बीडमधला धक्कादायक Video, पोराची दुसऱ्या मजल्यावर परीक्षा, पालक बांबूला कॉपी बांधून तयार!

सुरेश जाधव, प्रतिनिधी, बीड : बीडमध्ये पुन्हा एकदा बारावीच्या परीक्षेत कॉफीचा प्रकार समोर आला आहे.

शिरूर शहरातील कालिका देवी महाविद्यालयात बारावीची परीक्षा सुरू असताना चक्क परीक्षा केंद्राजवळ परिक्षार्थींना कॉपी पुरवत असताना नातेवाईक आणि तरुण दिसत आहेत.

दुसऱ्या मजल्यावर चढून कॉफी पुरवण्यासाठी नातेवाईक जीवघेणी कसरत करत असल्याचे चित्र आहे.

एकीकडे बीड जिल्ह्यामध्ये बारावीच्या बोर्डाच्या परीक्षेमध्ये पारदर्शकता यावी यासाठी जिल्हाधिकाऱ्यांनी प्रत्येक सेंटरमध्ये सीसीटीव्ही बसवले आहेत.

zoom meet वरून परीक्षा दालन कंट्रोल रूमला जोडण्यात आले आहे. असे असताना आजच्या पेपरला थेट नातेवाईकांकडून महाविद्यालयाच्या पाठीमागच्या बाजूने बांबूच्या साह्याने कॉपी पुरवल्याचा व्हिडिओ समोर आला आहे.