Raigad: मंगेश काळोखे हत्या प्रकरणाला नवं वळण, एका महिलेला अटक; सगळ्यांचे PHOTOS आले समोर येणार

खोपोली इथं शिवसेनेचे कार्यकर्ते मंगेश काळोखे यांची निर्घृण हत्या प्रकरणामुळे रायगडमध्ये संतापाची लाट उसळली आहे. शिवसेना आणि राष्ट्रवादीमध्ये आरोप प्रत्यारोपाचा सामना रंगला आहे. वातावरण तापल्यामुळे या प्रकरणी पोलिसांनी कारवाई करत आणखी आरोपींना अटक केली आहे. त्यांचे फोटो समोर आले आहे.

खोपोलीमधील शिवसेनेचे मंगेश काळोखे हत्या प्रकरणाचा सीसीटीव्ही व्हिडीओ समोर आल्यामुळे पोलिसांच्या तपासाला वेग आला. या हत्येतील एकूण 9 आरोपींना पोलिसांनी शनिवारी रात्री उशिरापर्यंत ताब्यात घेतलं.

त्यानंतर दुसऱ्या दिवशी रविवारी संध्याकाळी या 9 आरोपींना खालापूर न्यायालयात हजर करण्यात आलं होतं. या प्रकरणात एका महिलेचंही नाव समोर आलं. उर्मिला देवकर असं या महिलेचं नाव आहे.

या प्रकरणाात आधीच दर्शन देवकर यालाही ताब्यात घेतलं आहे. हत्या केल्यानंतर आरोपींनी आपले मोबाईल फोन बंद केले होते, ज्यामुळे त्यांचा शोध घेणे पोलिसांसाठी एक मोठे आव्हान ठरले होते. आरोपी मुंबईच्या दिशेने आणि इतर विविध ठिकाणी पळून गेले आणि अंडर ग्राऊंड झाल्याचं प्राथमिक तपासात समोर आलं होतं. मात्र, तांत्रिक विश्लेषण आणि गुप्त माहितीच्या आधारे पोलिसांनी आरोपींचा मागोवा घेतला आणि त्यांच्या मुसक्या आवळल्या.

या प्रकरणाात आधीच दर्शन देवकर यालाही ताब्यात घेतलं आहे. हत्या केल्यानंतर आरोपींनी आपले मोबाईल फोन बंद केले होते, ज्यामुळे त्यांचा शोध घेणे पोलिसांसाठी एक मोठे आव्हान ठरले होते. आरोपी मुंबईच्या दिशेने आणि इतर विविध ठिकाणी पळून गेले आणि अंडर ग्राऊंड झाल्याचं प्राथमिक तपासात समोर आलं होतं. मात्र, तांत्रिक विश्लेषण आणि गुप्त माहितीच्या आधारे पोलिसांनी आरोपींचा मागोवा घेतला आणि त्यांच्या मुसक्या आवळल्या.

मंगेश काळोखे यांच्या हत्या प्रकरणात आता ९ आरोपींना अटक झाली आहे. काळोखे यांची हत्या का करण्यात आली, हत्येचा हेतू काय होता, हे आता समोर येण्याची शक्यता आहे. पोलीस या प्रकरणाचा अधिक तपास करत आहे.