'रॅलीत किलोभर लाडू वाटले, आता यांचं कार्यालय जाळून टाका, गुन्हे दाखल करा' शिंदेंच्या सेनेची महिला सैनिक ढसाढसा रडली, PHOTOS

राज्यात महापालिका निवडणुकीसाठी तिकीट मिळावं यासाठी इच्छुक उमेदवारांनी अक्षरश: देव पाण्यात ठेवले आहे. तिकीट मिळवण्यासाठी पक्ष कार्यालयाबाहेर उच्छुक उमेदवार कार्यकर्त्यांसह रांगा लावून आहे. काही जणांना तिकीट मिळत आहे, तर काही जणांना नाकारलं जात आहे. त्यामुळे महायुतीपासून ते महाविकास आघाडीमध्ये नाराजांचा उद्रेक झाला आहे. अशातच छत्रपती संभाजीनगर महापालिका निवडणुकीत तिकीट न मिळाल्यामुळे शिवसेनेच्या पदाधिकारी महिला शादरा घुले पाटील या कार्यालयात ढसाढसा रडल्या.

शारदा घुले पाटील यांनी पक्षाच्या मध्यवर्ती कार्यालयाबाहेर अश्रूंना वाट मोकळी करून दिली. यावेळी त्यांनी शिवसेना शिंदे गटाला इशाराही दिला. "यांच्या रॅलीत किलोभर मोतीचूरचे लाडू वाटले, आता तिकीट देत नाही. साहेब, संयमच ठेवला होता. किलोभरे पेढे खाऊ घातले.

आता मला काही करता झालं तर मला एक मिनिट लागत नाही एटॅक यायला. यांचं सगळं कार्यालय जाळून टाकायचं. यांच्या मंत्र्या संत्र्यांवर गुन्हे दाखल करायचे. लाडकी बहिण म्हणताय अन् उमेदवारी देत नाही. कुठे आहे यांची लाडकी बहिण,कार्यकर्त्याला एकाला पण तिकीट नाहीये. लाडकी बहीण लाडकी बहिण म्हणताय मग तिकीट का देत नाही.

भाजपकडे सुद्धा महिला आघाडी स्ट्राँग नाहीये. भाजपने नेते स्वत: सांगताय आमच्याकडे बळ नाहीये, मग यांनी का सोडून घेतलं.माझ्या जीवाचं बरं वाईट झालं तर सगळ्याला पक्ष जबाबदार राहणार आहे. एक लक्षात ठेवा, माझ्यासाठी तुम्ही भांडायचं आहे, मला न्याय मिळवून द्यायचा आहे.

काल मला सुट्टी झाली अन् आज हे म्हणताय तिकीट नाहीये. तर मला आधी सांगायचं ना, तिकीट नाहीये, म्हणून... बरं महिला म्हणून ५०० महिला आघाडी आहे. तुम्ही म्हणताय ना कार्यकर्त्याची इलेक्शन आहे, कार्यकर्त्यांना न्याय देतो. मग कोणत्या कार्यकर्त्याला तिकीट दिलं तुम्ही.

तुमच्या इतक्या लाडक्या बहिणी आहे तर मी एक महानगर प्रमुख, जिल्ह्याची पदाधिकारी आहे मग मला तिकीट नाहीये का? माझी पक्षाला एकच विनंती आहे, मला न्याय द्या नाहीतर महिला आघाडीचं काय होईल, कुणीचं सांगू शकत नाही. माझ्याही जीवाचं बरं वाईट झालं तर याला पक्ष जबाबदार राहणार आहे. 

महिला आघाडी आहे, शहरप्रमुख आहे, उपशहर प्रमुख आहे, सगळे विभाग आहे,एकीनेही फॉर्म भरला नाही. कमेटीमध्ये राहा, इच्छुक म्हणून तरी फॉर्म भरा. पण, कुणालाच काही दिलं नाही. 

कार्यकर्त्यांनी फक्त सतरंज्या उचलायच्या बस्स. कार्यकर्त्यांना न्याय नाही. मी शिंदे साहेबांना मी विनंती करते, आम्हाला न्याय द्या. ५०० महिलांमध्ये मी एकटी आहे. आज तुमचं मध्यवर्ती कार्यालय आहे. लाडक्या बहिणींना न्याय नाही मग इतर बहिणींना काय न्याय मिळेल.

पक्षासाठी मी ३० वर्ष काम केलंय. पक्षाने माझ्यावर इतकी वाईट वेळ आणली, मी आमदारकीपदाची महिला आहे. मी पक्षासाठी ३० वर्ष खर्च केली, मी काय भीक मागत नाही, न्याय मागतेय. 

एका महिला पदाधिकाऱ्याला भाजपकडून जागा काढू शकत नाही, तर पुढे काय होईल, मी सांगू शकत नाही. आता हे नेते आणि मंत्री काहीच कामाचे नाही. मला न्याय मिळाला नाही, तर मी काय करेल सांगू शकत नाही. मी हॉस्पिटलमधून आले आहे, माझ्या जीवाचं बरं वाईट झालं तर याला जबाबदार पक्ष राहणार आहे, असा इशाराही शारदा घुले पाटील यांनी दिला.