Gold, silver prices fall: मोठी भविष्यवाणी! चांदी थेट ४०,००० रुपयांनी स्वस्त होणार? सोनं किती खाली येणार; एक्सपर्ट्सचा 'हा' सल्ला महत्त्वाचा

सोन्या चांदीच्या दरात विक्रमी घसरण झाल्यानंतर पुन्हा हळूहळू वाढ होत असल्याचं दिसत आहे. सोन्या चांदीच्या दरात घसरण होण्याची शक्यता आहे. आता घसरण होऊन पुन्हा दरवाढ होईल असं सांगितलं जात आहे. साधारण 40 हजार रुपयांची घसरण होऊ शकते. आगामी काळात जर तुम्ही सोने किंवा चांदीमध्ये गुंतवणूक करण्याचा विचार करत असाल, तर एक गोष्ट लक्षात घेणे महत्त्वाचे आहे.

पुढील २ ते ३ वर्षांत जर तुमच्या घरात लग्न किंवा कोणताही मोठा समारंभ असेल, तर तुम्ही आत्ताच दागिन्यांच्या रूपात सोने खरेदी करणे अधिक चांगलं. असं केल्याने तुम्हाला भविष्यात वाढणारे मेकिंग चार्जेस आणि डिझाईन बदलण्याचा अतिरिक्त खर्च वाचवता येईल. मात्र, एक गोष्ट लक्षात ठेवावी लागेल: दागिने विकताना किंवा एक्सचेंज करताना मेकिंग चार्ज परत मिळत नाही, ज्यामुळे तुमच्या मूळ गुंतवणुकीवरील रिटर्न्स कमी होतो.

जर तुम्हाला सोने किंवा चांदी केवळ गुंतवणुकीसाठी पाहिजे असेल आणि त्याचा त्वरित वापर करण्याची गरज नसेल, तर नाणी किंवा बार खरेदी करणे अधिक व्यवहार्य आहे. यावर मेकिंग चार्ज कमी लागतो आणि गरज पडल्यास ते सहजपणे विकता येतात किंवा एक्सचेंज करता येतात. याशिवाय, गोल्ड ईटीएफ किंवा सॉवरेन गोल्ड बॉन्ड्स मध्ये गुंतवणूक करणे हा सर्वोत्तम पर्याय आहे. कारण, यात तुम्हाला सोन्याच्या सुरक्षेची चिंता करण्याची गरज नसते, तसेच मेकिंग चार्जचा तोटाही होत नाही.

भारत सरकारने बाजारात अधिक पारदर्शकता आणण्यासाठी आणि ग्राहकांचा विश्वास वाढवण्यासाठी HSN कोड आणि HUID सिस्टीम लागू केली आहे. HUID मुळे आता प्रत्येक दागिन्याच्या शुद्धतेची आणि तो कुठे बनवला गेला, याची ओळख पटवणे शक्य झाले आहे. यामुळे बाजारात शुद्धतेची आणि विश्वासार्हतेची खात्री वाढली आहे.

सध्या सोन्यावर ३% GST लागू आहे, आणि जर भविष्यात सरकारने हा कर थोडा कमी केला, तर सोन्याची खरेदी आणखी वाढू शकते, असे तज्ज्ञांचे मत आहे. अजय केडिया यांच्या मते, सोन्याच्या दरात नुकतीच ८ ते ८.५% पर्यंतची घसरण झाली आहे.

आगामी काळात यामध्ये १० ते १२% पर्यंतची आणखी घसरण होण्याची शक्यता आहे. मागच्या आकडेवारीनुसार, सोने जर ₹१,२४,००० च्या आसपास आले, तर ती खरेदीसाठी एक चांगली संधी असू शकते.

विशेषतः चांदीमध्ये ₹४०,००० प्रति किलोपर्यंतची मोठी घसरण होण्याची शक्यता आहे. त्यामुळे, गुंतवणूकदारांनी जर थोडा धीर धरला, तर पुढील काही महिन्यांत अधिक चांगल्या दरात खरेदी करण्याची उत्तम संधी मिळू शकेल.