Reliance Family Day कार्यक्रमातील मुकेश अंबानी यांच्या भाषणातील मुद्दे PHOTOS

यावेळी रिलायन्स ग्रुपमध्ये काम करणाऱ्या आणि जोडल्या गेलेल्या लोकांसाठी मुकेश अंबानी म्हणाले, ''एकात्मता, उत्कृष्टता, सहानुभूती, सहकार्याची भावना आणि प्रत्येकासाठी प्रत्येक आजपेक्षा प्रत्येक उद्या अधिक चांगला करण्याची वचनबद्धता. ही मूल्यं रिलायन्सच्या व्ही केअर तत्त्वज्ञानामध्ये अंतर्भूत आहेत. आम्ही प्लॅनेट आणि मानवतेची काळजी घेतो. आम्ही आमच्या भारत मातेची आणि प्रत्येक भारतीयाची काळजी घेतो.''

''आता दोन दशकांहून अधिक काळ रिलायन्सचं नेतृत्व करणं हा माझ्यासाठी जीवनाचा सन्मान आहे. जर रिलायन्सचं नेतृत्व करणं हा माझा अभिमान आहे, तर तुम्हा सर्वांसोबत काम करणं हा माझा विशेषाधिकार आहे. तुम्ही अतुलनीय प्रतिभावान व्यक्तींची फौज आहात जी धीर आणि शिस्तीने दिवसेंदिवस आश्चर्यकारक काम करतात. मला तुमच्या प्रत्येकाचा अभिमान आहे. तुम्ही माझी शाश्वत रिचार्ज बॅटरी आहात. प्रत्येक दिवशी तुम्ही माझ्या उत्साहाचे नूतनीकरण करता, माझी ऊर्जा वाढवता आणि आमच्या संस्थापकाने ज्या उद्देशासाठी रिलायन्सची स्थापना केली त्याचे प्रमाणीकरण करता. रिलायन्समध्ये तुम्ही दिलेल्या योगदानाबद्दल मी तुमच्यापैकी प्रत्येकाचा मनापासून आभारी आहे.'' असं देखील मुकेश अंबानी आपल्या भाषणात म्हणाले.

मुकेश अंबानी यांनी रिलायन्सचा यशस्वी होण्याचा मंत्र देखील सांगितला. ते म्हणाले, ''जगातली तिसरी सर्वात मोठी अर्थव्यवस्था बनण्यासाठी भारत प्रयत्नशील आहे. त्यामुळे रिलायन्ससमोर एक मोठी सुवर्णसंधी आहे. जगातल्या 10 मोठ्या कंपन्यांपैकी एक यशस्वी कंपनी होण्याची ही संधी आहे, जिचं सोनं रिलायन्स करेलच. फक्त त्यासाठी आपल्याला तीन बाबींवर लक्ष केंद्रीत करणं आवश्यक आहे.''

मित्रांनो, आता येत्या तीन दिवसात आपण 2023ला निरोप देऊन 2024चं स्वागत करू. रिलायन्स समूहाचा प्रमुख म्हणून मी तुम्हाला नव्या वर्षासाठी महत्त्वाचे तीन संकल्प सांगू इच्छितो.

डिजिटल प्लॅटफॉर्म, डेटा आणि एआय प्रणालीत जगात रिलायन्सचं स्थान भक्कम करूया. जगातल्या प्रभावी संस्थांमध्ये रिलायन्सचं स्थान भक्कम करूया आणि जगात संस्था पातळीवर रिलायन्सचं स्थान भक्कम करूया.

रिलायन्समधील सर्व वरिष्ठ आणि मध्यम-स्तरीय नेते आता त्यांची जबाबदारी पार पाडत आहेत याचंही मला खूप कौतुक वाटतं - तरुणांवर विश्वास ठेवणं. तरुणांना सक्षम बनवणं. तरुणांना मार्गदर्शन करणं. तरुण लीडर चुका करतील. ते मात्र नक्की. पण माझा त्यांना सोपा सल्ला आहे, भूतकाळातील चुकांचं पोस्टमॉर्टेम करण्यात आपली शक्ती वाया घालवू नका. उलट त्याच चुका पुन्हा न करायला शिका. असं देखील मुकेश अंबानी पुढे म्हणाले.

रिलायन्स एका जनरेशनल ट्रान्झिशनमधून जात असताना, मी या अनोख्या संस्थात्मक संस्कृतीला अधिक बळकट करण्यासाठी खूप महत्त्व देतो. इथं आणखी एक तत्त्व आहे ज्याचं आपण पालन केलं पाहिजे. आपण रिलायन्सला कायम तरुण ठेवलं पाहिजे. आमच्या सर्व टॅलेंटेड टीमचं सरासरी वय तिशीतच राहायलं हवं.

मी पुन्हा सांगतो, रिलायन्सचं भविष्य आकाश, ईशा, अनंत आणि त्यांच्या पिढीचं आहे. माझ्या पिढीतील लोकांपेक्षा ते आयुष्यात अधिक साध्य करतील आणि रिलायन्सला अधिक यश मिळवून देतील यात मला शंका नाही.