Pune Weather: पुढील 24 तास धोक्याचे, पश्चिम महाराष्ट्रात मुसळधार पाऊस, हवामान विभागाकडून अलर्ट

कोकण, पश्चिम महाराष्ट्र आणि मराठवाड्याच्या दक्षिणेकडील जिल्ह्यांत विजांसह आज दिनांक 19 जुलै रोजी पावसाची शक्यता असल्याने दक्षतेचा इशारा हवामान विभागाने दिला आहे. उर्वरित राज्यातही विजांसह हलक्या सरींची शक्यता वर्तविण्यात आली आहे.

मागील 24 तासात पुणे जिल्ह्यात पावसाची उघडीप राहिली. यावेळी कमाल तापमानाचा पारा 29.4 अंश सेल्सिअसवर पोहोचला. पुढील 24 तासात पुणे आणि पुणे घाटमाथ्यावर विजांच्या गडगडाटासह हलक्या पावसाची शक्यता आहे. यामुळे दक्षतेचा यलो अलर्ट हवामान विभागाने दिला आहे. तसेच पुढील 24 तासात पुण्यातील कमाल तापमान 29 तर किमान तापमान 23 अंश सेल्सिअस इतके राहील.

सातारा जिल्ह्यात मागील 24 तासात हलका पाऊस कोसळला. सातारा परिसरामध्ये 0.6 मिलिमीटर पावसाची नोंद झाली. पुढील 24 तासात साताऱ्यातील कमाल तापमान 29 अंश सेल्सिअस राहिल. सातारा जिल्ह्यामध्ये ढगाळ आकाश आणि विजांसह पावसाची शक्यता हवामान विभागाने वर्तवली आहे.

कोल्हापूर जिल्ह्यात मागील 24 तासात पावसाची उघडीप राहिली. कमाल तापमानात वाढ नोंदवली. यावेळी कमाल तापमान 30.2 अंश सेल्सिअस राहिले. पुढील 24 तासात कमाल तापमान 31 अंशावर पोहचेल. तसेच विजांसह पावसाचा यलो अलर्ट हवामान विभागाने दिला आहे. 30 ते 40 किलोमीटर प्रति तास वेगवान वाऱ्यासह जोरदार पावसाची शक्यता हवामान विभागाने वर्तवली आहे.

सोलापूर जिल्हात मागील 24 तासात 0.9 मिलीमीटर पावसाची नोंद झाली. 31 अंश तापमानाची नोंद सोलापूर मध्ये झाली. पुढील 24 तासात कमाल तापमानाचा पारा 33 अंशावर राहणार असून ढगाळ आकाशासह गडगडाटी वादळाची शक्यता असल्याने दक्षतेचा यलो अलर्ट हवामान विभागाकडून वर्तवण्यात आला आहे.

मागील 24 तासात सांगली जिल्ह्यात पावसाची उघडीप राहिली. पुढील 24 तासात सांगली जिल्ह्यात ढगाळ आकाशासह हलक्या ते मध्यम पावसाची शक्यता असून गडगडाची वादळाचा यलो अलर्ट हवामान विभागाने वर्तवला आहे.

यावेळी जिल्ह्यातील कमाल तापमान 31 तर किमान तापमान 23 अंश सेल्सिअस इतके राहील. पश्चिम महाराष्ट्रातील सर्वच जिल्ह्यांत आकाश साधारणपणे ढगाळ राहील. सातारा, सांगली, सोलापूर आणि कोल्हापूर जिल्ह्यांत गडगडाटी पावसाची शक्यता असल्याने दक्षतेचा यलो अलर्ट भारतीय हवामान विभागाने दिला आहे.