शनी देव घेत असतील कठोर परीक्षा, तर न चुकता करा 'हे' उपाय; सर्व कष्ट अन् अडचणी होतील दूर!

भारतीय ज्योतिषशास्त्रात शनी देवाला 'न्यायदेवता' आणि 'कर्मफलदाता' मानले जाते. शनी देव व्यक्तीला त्याच्या कर्मानुसार फळ देतात. जेव्हा एखाद्या व्यक्तीच्या कुंडलीत शनीची साडेसाती, ढय्या किंवा महादशा सुरू असते, तेव्हा त्याला अनेक शारीरिक, मानसिक आणि आर्थिक समस्यांना सामोरे जावे लागते.

सध्या अनेक राशींच्या जातकांसाठी शनीची परीक्षा सुरू आहे. जर तुमची कामे वारंवार अडकत असतील, घरात सतत आजारपण असेल किंवा विनाकारण मानसिक तणाव जाणवत असेल, तर समजावे की शनी देव तुमची परीक्षा घेत आहेत. अशा वेळी शनिवारी केलेले काही विशेष उपाय तुम्हाला या त्रासातून मुक्त करू शकतात.

मोहरीच्या तेलाचा दिवा आणि अभिषेक: शनिवारी सूर्यास्तानंतर पिंपळाच्या झाडाखाली मोहरीच्या तेलाचा दिवा लावावा. शक्य असल्यास शनी मंदिरात जाऊन शनी देवाच्या मूर्तीवर मोहरीचे तेल अर्पण करावे. शनी देवाला तेल अत्यंत प्रिय आहे. यामुळे शनीचा कोप शांत होतो आणि अडकलेली कामे मार्गी लागतात.

हनुमान चालीसाचे पठण: असे मानले जाते की, शनी देवाने हनुमानाला वचन दिले होते की जो व्यक्ती हनुमानाची भक्ती करेल, त्याला शनी कधीही त्रास देणार नाही. शनिवारी हनुमान मंदिरात जाऊन 'हनुमान चालीसा' किंवा 'सुंदरकांड' वाचल्याने शनी दोषाची तीव्रता कमी होते आणि आत्मविश्वास वाढतो.

काळ्या वस्तूंचे दान: शनी देवाचा संबंध काळ्या रंगाशी आहे. शनिवारी गरजू व्यक्तींना काळे तीळ, काळे कापड, मोहरीचे तेल किंवा लोखंडी वस्तू दान कराव्यात. 'दान' केल्याने ग्रहांची नकारात्मक ऊर्जा शांत होते. गरिबांना अन्नदान करणे हा शनीला प्रसन्न करण्याचा सर्वात सोपा मार्ग आहे.

पिंपळाच्या झाडाची पूजा: पिंपळाच्या झाडामध्ये सर्व देवांचा वास असतो असे मानले जाते. शनिवारी सकाळी पिंपळाला जल अर्पण करून सात वेळा प्रदक्षिणा घालावी. यामुळे पितृदोष आणि शनीदोष या दोघांपासून मुक्ती मिळते.

'शं शनैश्चराय नमः' मंत्राचा जप: शनिवारी संध्याकाळी रुद्राक्षाच्या माळेने शनी मंत्राचा किमान 108 वेळा जप करावा. मंत्रांच्या कंपनांमुळे तुमच्या सभोवतालचे नकारात्मक वलय नष्ट होते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)