फोनचं ब्लूटूथ ऑन ठेवणं ठरु शकतं हानिकारक! क्षणार्धात रिकामं होईल बँक अकाउंट

इअरफोन आणि इतर अॅक्सेसरीजशी कनेक्ट करण्यासाठी तुम्हाला ब्लूटूथ चालू ठेवणे आवश्यक आहे. कधीकधी, अॅक्सेसरी डिस्कनेक्ट केल्यानंतरही, लोक ते बंद करायला विसरतात, ते चालू ठेवतात. बहुतेक लोकांना वाटते की ब्लूटूथ चालू ठेवल्याने काहीच नुकसान होत नाही.

तसच पुढच्या वेळी ते इअरफोन किंवा स्पीकर कनेक्ट करताना त्यांना ते पुन्हा चालू करावे लागणार नाही. परंतु तुम्हाला हे जाणून आश्चर्य वाटेल की ब्लूटूथ चालू ठेवल्याने तुमचे बँक अकाउंट रिकामं होऊ शकतं. स्कॅमर याचा फायदा घेऊ शकतात आणि मोठे नुकसान करू शकतात.

हे माहीत असल्यास कधीच चालू ठेवणार नाही ब्लूटूथ : तुम्ही ट्रेन किंवा बसने किंवा बाजारासारख्या सार्वजनिक ठिकाणी प्रवास करत असाल आणि तुमच्या फोनचे ब्लूटूथ चालू असेल, तर ते स्कॅमरना तुमचा फोन हॅक करण्याचा मार्ग देते. स्कॅमर लोकांना फसवण्यासाठी ब्लूटूथ पेअरिंग रिक्वेस्ट पाठवतात आणि तुम्ही चुकून किंवा नकळत ते अॅक्सेप्ट केले तर ते तुमच्या फोनमध्ये अॅक्सेस मिळवू शकतात.

एकदा त्यांना तुमच्या फोनमध्ये प्रवेश मिळाला की, तुमचे पासवर्ड, कार्ड डिटेल्स आणि बँकिंग डिटेल्स चोरणे त्यांच्यासाठी सोपे होते. या माहितीचा वापर करून, ते तुमच्या अकाउंटमधील सर्व पैसे चोरू शकतात. या घोटाळ्यांना ब्लूजॅकिंग असेही म्हणतात. म्हणून, ब्लूटूथबद्दल सावधगिरी बाळगणे अत्यंत महत्वाचे आहे.

ब्लूजॅकिंग कसे टाळावे? : कोणतेही अॅक्सेसरीज कनेक्ट केलेले नसतील तर ब्लूटूथ बंद करा. तुम्हाला सार्वजनिक ठिकाणी जायचे असेल तर घराबाहेर पडण्यापूर्वी ब्लूटूथ बंद करा. तुमचा फोन कधीही अज्ञात डिव्हाइसशी जोडू नका. ब्लूटूथ नॉन-डिस्कव्हरेबल मोडमध्ये ठेवा. हे ते इतर डिव्हाइसशी कनेक्ट होण्यापासून प्रतिबंधित करेल.