Zika Virus: पुणेकरांसाठी चिंताजनक बातमी! शहरात या व्हायरसचा शिरकाव, आतापर्यंत 6 जणांना संसर्ग

पुणे : पुण्यात झिका विषाणूचा प्रसार होत आहे. शहरात संसर्गाचे 6 रुग्ण आढळले आहेत. विशेष म्हणजे यामध्ये दोन गर्भवती महिलांचाही समावेश आहे. आरोग्य विभागाच्या अधिकाऱ्यांनी दिलेल्या माहितीनुसार, पुण्यातील एरंडवणे भागातील 28 वर्षीय गर्भवती महिलेमध्ये झिका विषाणूची लागण झाल्याचं आढळून आलं आहे. महिलेचा अहवाल पॉझिटिव्ह आला आहे. याशिवाय आणखी 12 आठवड्यांच्या गर्भवती महिलेला झिका व्हायरसची लागण झाल्याचं आढळून आलं आहे. सध्या दोन्ही महिलांची प्रकृती स्थिर आहे.